Sign In

Kaalaman para sa mga Employer sa Food and Beverage Industry

Sensitibidad at Serbisyo

Sa isang industriya kung saan ang serbisyo ay pangunahing puhunan, ang kaalaman sa disability sensitivity ay susi upang mabigyan ang lahat ng empleyado at customer ng pantay-pantay na karanasan. Alamin kung paano makakalikha ng isang workplace na inclusive, masaya, at suportado ang lahat!

Kahalagahan ng Pagsulong ng Inclusion ng PWDs!

Pagsusulong ng Pagkapantay-pantay

Ipinapakita nito ang komitment ng negosyo sa pantay na oportunidad para sa lahat ng empleyado, anuman ang kanilang pisikal na kalagayan.

Alamin

Pagpapalawak ng Talent Pool

PWDs face barriers in the workplace, including limited opportunities, prejudice, and accessibility issues calls for greater awareness, improved policies, and workplace adjustments.

Alamin

Pagpapahusay ng Customer Service

Ang mas sensitibong staff ay may kakayahang mas maintindihan at matugunan ang pangangailangan ng lahat ng customer, na nagreresulta sa mas positibong karanasan para sa lahat.

Alamin

Isaisip ang 3Ps para sa Tagumpay ng isang PWD-Friendly Workplace!

Ang interview ay isang maaaring nakaka-stress, lalo na sa mga nakaranas na nito dati. Ngunit pwede naman ito maiiwasan sa pamamaraan ng isang mock interview. Bago mag mock interview, pag-usapan mo muna ito kasama ang iyong katiwala at makakatulong ito para mas hindi ka kabahan sa proseso. Eto ang mga tips bago kayo mag mock interview:

Pagsusuri (Assess)

Bago mag-hire ng mga PWD, mahalaga ang masusing pagsusuri upang mapaghandaan ang kanilang mga pangangailangan:

Pagsusuri ng mga Balakid: Tukuyin ang mga pisikal, institusyonal, at iba pang mga hadlang sa workplace.

Pagsusuri ng Kahandaan ng Human Resources: Alamin ang kahandaan ng mga kawani na makatrabaho ang mga PWD at kung may kakulangan sa pagsasanay.

Pagsusuri ng Kasalukuyang Mga Mapagkukunan: Tukuyin ang mga kasalukuyang kagamitan at pasilidad na maaaring makatulong sa pagsuporta sa mga PWD.

Pagpaplano (Plan)

Magtakda ng malinaw na plano sa accessibility at mga kinakailangang akomodasyon upang matugunan ang mga pangangailangan ng PWD:

- Pagpaplano ng Accessibility at Serbisyo: Magsama ng kinakailangang pagbabago sa mga polisiya, programa, at serbisyo, pati na ang paglaan ng pondo para sa ganap na pagpapatupad ng Disability Support Services (DSS).

Pagsasagawa (Deliver)

Magsimula sa pagsasakatuparan ng mga plano sa pamamagitan ng pagsasanay at pagkuha ng mga kinakailangang tauhan:

Pagsasagawa ng Disability Sensitivity Training: Magsagawa ng mga pagsasanay upang maging sensitibo ang mga kawani sa mga pangangailangan ng PWD.

Pag-hire ng Disability Support Officer (DSO): Magtalaga ng kawani na tututok sa mga PWD sa workplace.

- Pagtatatag ng Disability Support Unit: Lumikha ng yunit na responsable sa pagtutok sa accessibility at akomodasyon para sa mga PWD.

Narito ang mga pagsasanay na naglalayong palakasin ang kapasidad ng ating kumpanya na lumikha ng mas inclusive environment para sa lahat!

Disability Sensitivity Training

Depinisyon:

Isang pagsasanay na naglalayong mapataas ang kamalayan at pag-unawa ng mga empleyado sa mga isyu at hamon na kinakaharap ng mga taong may kapansanan.

Layunin:

Magbigay ng impormasyon tungkol sa iba't ibang uri ng kapansanan, mga karapatan ng PWD, at tamang paraan ng pakikitungo sa kanila. Layunin nitong lumikha ng isang mas inklusibong kapaligiran kung saan ang mga PWD ay tinatanggap at pinahahalagahan.

Accessibility Audit

Depinisyon:

Isang sistematikong pagsusuri ng mga pasilidad, proseso, at serbisyo upang matukoy kung gaano ito ka-accessible para sa mga taong may kapansanan.

Layunin:

Tukuyin ang mga pisikal at sistematikong hadlang na maaaring makasagabal sa mga PWD sa pag-access ng mga serbisyo at pasilidad. Ang audit na ito ay nagbibigay-diin sa mga kinakailangang pagbabago o pagpapabuti upang gawing mas accessible ang lugar ng trabaho o negosyo.

Pagbuo ng Disability Library Section

Depinisyon:

Pagsasaayos at pagbuo ng isang seksyon ng library na nakatuon sa mga materyales at resources para sa mga taong may kapansanan.

Layunin:

Magbigay ng access sa mga libro, journals, at iba pang mga materyales na naglalaman ng impormasyon tungkol sa kapansanan, mga karapatan ng PWD, at mga best practices para sa inclusivity. Ang seksyong ito ay magiging mapagkukunan ng impormasyon para sa mga kawani at PWD upang madagdagan ang kanilang kaalaman.

Sign Language Training

Depinisyon:

Pagsasanay na naglalayong turuan ang mga empleyado ng mga pangunahing kaalaman sa pagsasalita sa sign language.

Layunin:

Magbigay ng kakayahan sa mga kawani na makipag-usap nang epektibo sa mga customer o kasamahan na may kapansanang pandinig. Ang pagsasanay na ito ay nagtataguyod ng mas mahusay na komunikasyon at pakikipag-ugnayan sa mga PWD.

Web Accessibility Training

Depinisyon:

Pagsasanay na nakatuon sa mga prinsipyo at kasanayan sa paggawa ng mga website na accessible sa mga taong may kapansanan.

Layunin:

Ihandog ang kaalaman sa mga web developers at content creators upang makabuo ng mga website na madaling ma-access at magamit ng lahat, kasama na ang mga may visual at auditory na kapansanan. Ang training na ito ay nagtuturo ng mga standard at tools na makatutulong sa pag-audit ng web accessibility.

Disability Inclusive Disaster Risk Reduction Management (DIDRRM)

Depinisyon:

Pagsasanay na nakatuon sa paglikha ng mga plano at estratehiya na isinasama ang mga pangangailangan ng mga taong may kapansanan sa mga disaster risk reduction efforts.

Layunin:

Tiyakin na ang mga PWD ay may sapat na proteksyon at suporta sa panahon ng sakuna o emergency. Ang pagsasanay na ito ay naglalayon na isama ang mga PWD sa mga disaster response plans at training upang matiyak ang kanilang kaligtasan at partisipasyon.

Sourced from: National Council on Disability Affairs. (n.d.). NCDA manual on disability support services. National Council on Disability Affairs. https://ncda.gov.ph/wp-content/publications/NCDA-Manual-On-Disability-Support-Services.pdf

Ang iTulay ay isang capstone project na job seek information hub na naglalayong makatulong sa mga PWD sa paghahanap ng trabaho sa food and beverage industry sa Metro Manila.

© iTulay 2024

Explore

Explore
  • itulay.natin@gmail.com
  • +63 0977-370-7071
  • 2544 Taft Ave, Malate, Manila, 1004 Metro Manila
Facebook Twitter Youtube

© iTulay 2024

Contact

  • itulay.natin@gmail.com
  • +63 0977-370-7071
  • 2544 Taft Ave, Malate, Manila, 1004 Metro Manila
Facebook Twitter Youtube